Seshanba oqshomida Turkiya terma jamoasi Avstriyani 2:1 hisobida mag‘lub etib, Yevropa chempionatining chorak finaliga yo‘l oldi.

Yosh yarim himoyachi Arda Gyuler sherigiga golli uzatmani amalga oshirdi. Avvalroq 19 yoshli Gyuler ushbu turnirda Gruziya darvozasiga gol urgandi.

Opta portali xabariga ko‘ra, Gyuler bitta Yevropa chempionatida gol urgan va golli uzatmani amalga oshirgan uchinchi o‘smir bo‘ldi.

Ilgari bu ishni faqat portugaliyalik Krishtianu Ronaldu va angliyalik Ueyn Runi amalga oshirishgan (ikkalasi ham Yevro-2004da). Ma’lumot o‘rnida aytib o‘tish kerakki, o‘smir - 13 yoshdan 19 yoshgacha bo‘lgan yoshdagi futbolchilar sanaladi.