Сешанба оқшомида Туркия терма жамоаси Австрияни 2:1 ҳисобида мағлуб этиб, Европа чемпионатининг чорак финалига йўл олди.
Ёш ярим ҳимоячи Арда Гюлер шеригига голли узатмани амалга оширди. Аввалроқ 19 ёшли Гюлер ушбу турнирда Грузия дарвозасига гол урганди.
Opta портали хабарига кўра, Гюлер битта Европа чемпионатида гол урган ва голли узатмани амалга оширган учинчи ўсмир бўлди.
Илгари бу ишни фақат португалиялик Криштиану Роналду ва англиялик Уэйн Руни амалга оширишган (иккаласи ҳам Евро-2004да). Маълумот ўрнида айтиб ўтиш керакки, ўсмир - 13 ёшдан 19 ёшгача бўлган ёшдаги футболчилар саналади.
