Madridning “Atletiko” klubi “Chelsi” va Angliya terma jamoasi yarim himoyachisi Konor Gallaxerning transferiga qiziqish bildirmoqda, deya xabar beradi jurnalist Fabrisio Romano.

Manbaga ko‘ra, "matraschilar" 24 yoshli futbolchini olishni chindan ham xohlashadi, biroq ular uchun narx juda yuqori deb hisoblashadi.

Avvalroq, futbolchi klubga yangi bosh murabbiy Enso Mareski kelgani sababli "Chelsi"ni tark etmoqchi ekani haqida xabar berilgandi.

Angliya Premyer-ligasining 2023/2024 yilgi mavsumida 24 yoshli Konor Gallaxer 37 ta o‘yin o‘tkazib, 5 ta gol urdi va 7 ta golli uzatmani amalga oshirdi. Futbolchining amaldagi klubi bilan shartnomasi 2025 yilning iyun oyi oxirigacha amal qiladi.