Мадриднинг “Атлетико” клуби “Челси” ва Англия терма жамоаси ярим ҳимоячиси Конор Галлахернинг трансферига қизиқиш билдирмоқда, дея хабар беради журналист Фабрицио Романо.
Манбага кўра, "матрасчилар" 24 ёшли футболчини олишни чиндан ҳам хоҳлашади, бироқ улар учун нарх жуда юқори деб ҳисоблашади.
Аввалроқ, футболчи клубга янги бош мураббий Энцо Марески келгани сабабли "Челси"ни тарк этмоқчи экани ҳақида хабар берилганди.
Англия Премьер-лигасининг 2023/2024 йилги мавсумида 24 ёшли Конор Галлахер 37 та ўйин ўтказиб, 5 та гол урди ва 7 та голли узатмани амалга оширди. Футболчининг амалдаги клуби билан шартномаси 2025 йилнинг июнь ойи охиригача амал қилади.
