"Manchester Yunayted" hujumchisi Markus Reshford yozgi transfer oynasida klubini o‘zgartirishi mumkin. Bu haqda The Sun jurnalistlari xabar bermoqda.

Manbaga ko‘ra, "qizil iblislar" rahbariyati forvardni sotishga tayyor va uning narxini belgilab qo‘ygan. Mankunianliklar Markusni sotishdan 80 million yevro ishlab olishni istamoqda. Shu bilan birga, Transfermarkt portali uning qiymatini 60 millionga baholagan.

O‘tgan mavsumda Reshford 43 ta o‘yinda ishtirok etib, 8 ta gol va 5 ta golli uzatmaga mualliflik qilgan. "Manchester Yunayted" va forvard o‘rtasidagi amaldagi shartnoma 2028 yilda yakuniga yetadi.