"Манчестер Юнайтед" ҳужумчиси Маркус Рэшфорд ёзги трансфер ойнасида клубини ўзгартириши мумкин. Бу ҳақда The Sun журналистлари хабар бермоқда.

Манбага кўра, "қизил иблислар" раҳбарияти форвардни сотишга тайёр ва унинг нархини белгилаб қўйган. Манкунианликлар Маркусни сотишдан 80 миллион евро ишлаб олишни истамоқда. Шу билан бирга, Transfermarkt портали унинг қийматини 60 миллионга баҳолаган.

Ўтган мавсумда Рэшфорд 43 та ўйинда иштирок этиб, 8 та гол ва 5 та голли узатмага муаллифлик қилган. "Манчестер Юнайтед" ва форвард ўртасидаги амалдаги шартнома 2028 йилда якунига етади.