Yarim himoyachi Toni Kroos 2024 yilgi Yevropa chempionati oldidan Germaniya terma jamoasiga qaytishi haqida gapirdi.

"Mening terma jamoaga qaytishim Yevropa chempionatida g‘alaba qozonish maqsadi bilan bog‘liq. Imkoniyatimiz yo‘q deb o‘ylasam, qaytib kelmasdim. Muhim uchrashuvlarda maydon markazi kuchli bo‘lgan jamoa g‘alaba qozonadi. Ushbu zonada ustunlik qiladigan jamoa muvaffaqiyatga erishish uchun eng katta imkoniyatga ega", - dedi Kroos UYEFA matbuot xizmatiga.

Germaniya terma jamoasi o‘z uyida bo‘lib o‘tayotgan Yevropa chempionatida chorak finalga chiqdi va u yerda Ispaniya terma jamoasiga qarshi maydonga tushadi. Uchrashuv 5 iyul kuni bo‘lib o‘tadi va Toshkent vaqti bilan soat 21:00da boshlanadi.