Ярим ҳимоячи Тони Кроос 2024 йилги Европа чемпионати олдидан Германия терма жамоасига қайтиши ҳақида гапирди.

"Менинг терма жамоага қайтишим Европа чемпионатида ғалаба қозониш мақсади билан боғлиқ. Имкониятимиз йўқ деб ўйласам, қайтиб келмасдим. Муҳим учрашувларда майдон маркази кучли бўлган жамоа ғалаба қозонади. Ушбу зонада устунлик қиладиган жамоа муваффақиятга эришиш учун энг катта имкониятга эга", - деди Кроос УЕФА матбуот хизматига.

Германия терма жамоаси ўз уйида бўлиб ўтаётган Европа чемпионатида чорак финалга чиқди ва у ерда Испания терма жамоасига қарши майдонга тушади. Учрашув 5 июль куни бўлиб ўтади ва Тошкент вақти билан соат 21:00да бошланади.