Portugaliyalik hujumchi Krishtianu Ronaldu Sloveniya bilan o‘yinda yurak urishi haqidagi ma’lumotlar e’lon qilinganidan keyin "parazit marketing" uchun jazolanishi mumkin.
The Sun nashri xabariga ko‘ra, 39 yoshli hujumchi WHOOP fitnes kompaniyasi bilan hamkorlik qilgani uchun 2024 yilgi Yevropa chempionatining qolgan o‘yinlaridan diskvalifikasiya qilinishi mumkin. Kompaniya Krishtianuning yurak urishi haqidagi ma’lumotlarni joylashtirdi va shu tariqa turnir bilan homiylik shartnomasiga ega bo‘lmagan holda o‘z mahsulotini Yevropa chempionatiga bog‘lashga harakat qildi. Vaziyat bo‘yicha qaror hali qabul qilinmagan. Yevropa chempionatida Ronaldu to‘rtta o‘yin o‘tkazib, bitta golli uzatmani amalga oshirdi.
