«Manchester Siti»ning chap qanot himoyachisi Serxio Gomes tez orada klubini o‘zgartiradi.

23 yoshli futbolchi Pep Gvardiola jamoasida barqaror o‘yin tajribasiga ega emas edi, shu bois «shaharliklar» transfer takliflarini bajonidil tinglashdi. Insayder Fabrisio Romanoning so‘zlariga ko‘ra, ispaniyalik futbolchi uchun kurashda «Real Sosyedad» g‘alaba qozongan. Bask klubi Gomes uchun 9 million yevro taklif qildi, bu esa «Manchester Siti»ga mos keldi, boshqa da’vogarlar esa faqat «Barselona» tarbiyalanuvchisini ijaraga olishga tayyor edi.

Yana ma’lum bo‘lishicha, Serxio Gomesning o‘zi avvaliga boshqa takliflar bo‘lishiga qaramay, «Real Sosyedad»ga o‘tish variantini afzal ko‘rgan.