«Манчестер Сити»нинг чап қанот ҳимоячиси Серхио Гомес тез орада клубини ўзгартиради.
23 ёшли футболчи Пеп Гвардиола жамоасида барқарор ўйин тажрибасига эга эмас эди, шу боис «шаҳарликлар» трансфер таклифларини бажонидил тинглашди. Инсайдер Фабрицио Романонинг сўзларига кўра, испаниялик футболчи учун курашда «Реал Сосьедад» ғалаба қозонган. Баск клуби Гомес учун 9 миллион евро таклиф қилди, бу эса «Манчестер Сити»га мос келди, бошқа даъвогарлар эса фақат «Барселона» тарбияланувчисини ижарага олишга тайёр эди.
Яна маълум бўлишича, Серхио Гомеснинг ўзи аввалига бошқа таклифлар бўлишига қарамай, «Реал Сосьедад»га ўтиш вариантини афзал кўрган.
