"Arsenal" va "Chelsi"ning sobiq futbolchisi, Fransiya terma jamoasida jahon va Yevropa chempioni bo‘lgan Emmanuel Peti Angliya terma jamoasi bosh murabbiyi Garet Sautgeytni tanqid qildi.

Angliya terma jamoasi Yevro-2024 ning 1/16 finalida Slovakiyani mag‘lub etib, qo‘shib berilgan vaqtning so‘nggi daqiqalarida Jude Bellingemning goli evaziga hisobni tenglashtirdi. Uchrashuv qo‘shimcha vaqtda inglizlar g‘alaba qozondi(2:1).

"Sautgeyt o‘z o‘yinchilaridan muvaffaqiyat qozonish va ularni chiroyli futbol o‘ynashga unday olmayapti, bu juda asabiy. Ularning o‘yinlarini ko‘rish alamli, balki bu jamoada o‘ynash ham yoqimsizdir. U Angliya terma jamoasi bilan birorta ham medal yutmagan.

U 8 yildan beri terma jamoani boshqarib kelmoqda, JCH-2018 yarim finaliga qadar yetib borgan, turnirlarda yaxshi seriyalar o‘tkazgan. Ammo, mening fikrimcha, muvaffaqiyatsiz bo‘ldi. Qancha vaqtdan beri mashg‘ulot o‘tkazayotgani va qo‘lida qanday tarkib borligini hisobga oladigan bo‘lsak, u kamida bitta medal yutishi kerak edi", - dedi Peti Talksport bilan suhbatda.