"Арсенал" ва "Челси"нинг собиқ футболчиси, Франция терма жамоасида жаҳон ва Европа чемпиони бўлган Эммануэль Пети Англия терма жамоаси бош мураббийи Гарет Саутгейтни танқид қилди.
Англия терма жамоаси Евро-2024 нинг 1/16 финалида Словакияни мағлуб этиб, қўшиб берилган вақтнинг сўнгги дақиқаларида Жуде Беллингемнинг голи эвазига ҳисобни тенглаштирди. Учрашув қўшимча вақтда инглизлар ғалаба қозонди(2:1).
"Саутгейт ўз ўйинчиларидан муваффақият қозониш ва уларни чиройли футбол ўйнашга ундай олмаяпти, бу жуда асабий. Уларнинг ўйинларини кўриш аламли, балки бу жамоада ўйнаш ҳам ёқимсиздир. У Англия терма жамоаси билан бирорта ҳам медал ютмаган.
У 8 йилдан бери терма жамоани бошқариб келмоқда, ЖЧ-2018 ярим финалига қадар етиб борган, турнирларда яхши сериялар ўтказган. Аммо, менинг фикримча, муваффақиятсиз бўлди. Қанча вақтдан бери машғулот ўтказаётгани ва қўлида қандай таркиб борлигини ҳисобга оладиган бўлсак, у камида битта медал ютиши керак эди", - деди Пети Talksport билан суҳбатда.