Himoyachi Joau Kanseluning kelajagi noaniqligicha qolmoqda. «Barselona» portugaliyalik futbolchini yana ijaraga olmoqchi, «Manchester Siti» esa futbolchini shu yozda sotishni ma’qul ko‘radi.
"Mundo Deportivo" xabariga ko‘ra, Kanseluga Saudiya Arabistonining ikki klubi - «Al-Ahli» va «Al-Ittifoq» qiziqish bildirmoqda. «Manchester Siti» 30 yoshli portugaliyalik uchun 25 million funt (taxminan 30 million yevro) talab qilmoqda va bu talabni faqat Saudiya klublari qanoatlantirishi mumkin.
Eslatib o‘tamiz, Joau Kanseluning «Manchester Siti» bilan amaldagi shartnomasi 2027 yilning o‘rtalariga qadar tuzilgan.
