Ҳимоячи Жоау Канселунинг келажаги ноаниқлигича қолмоқда. «Барселона» португалиялик футболчини яна ижарага олмоқчи, «Манчестер Сити» эса футболчини шу ёзда сотишни маъқул кўради.
"Mundo Deportivo" хабарига кўра, Канселуга Саудия Арабистонининг икки клуби - «Ал-Аҳли» ва «Ал-Иттифоқ» қизиқиш билдирмоқда. «Манчестер Сити» 30 ёшли португалиялик учун 25 миллион фунт (тахминан 30 миллион евро) талаб қилмоқда ва бу талабни фақат Саудия клублари қаноатлантириши мумкин.
Эслатиб ўтамиз, Жоау Канселунинг «Манчестер Сити» билан амалдаги шартномаси 2027 йилнинг ўрталарига қадар тузилган.
