"Nyukasl" va Shveysariya terma jamoasi himoyachisi Fabian Sher Yevro-2024 chorak finalida Angliyaga qarshi bo‘lib o‘tadigan o‘yindan oldingi fikrlari bilan o‘rtoqlashdi.
"Biz inglizlardan nimani kutish kerakligini bilamiz. Biz nafaqat Xarri Keynni, balki butun jamoasini to‘xtatishimiz kerak. Biz ular qanchalik xavfli ekanligini bilamiz, lekin biz bu turnirda himoyada yaxshi o‘ynaymiz, jamoa bo‘lib himoyalanamiz. Shunday ekan, xuddi shu ruhda davom etamiz degan umiddamiz.
Men Angliya terma jamoasini kamsitmagan bo‘lardim. Ular so‘nggi o‘yinlarda qanchalik yaxshi o‘ynaganimizni ko‘rishdi va bunga tayyor turishadi. Men olti yildan beri Angliyada yashayman va angliyalik futbolchilar uchrashishni intiqlik bilan kutaman. Ular qanday o‘ynashmasin, baribir chorak finalga yo‘l olishdi. Ularda juda ko‘p sifatli futbolchilar bor va ular doim sizga zarar yetkazishi mumkin", - dedi Sher UYEFA matbuot xizmatiga.
Jamoalar o‘rtasidagi o‘yin bugun Dyusseldorfda bo‘lib o‘tadi va Toshkent vaqti bilan soat 21:00da boshlanadi.
