"Ньюкасл" ва Швейцария терма жамоаси ҳимоячиси Фабиан Шер Евро-2024 чорак финалида Англияга қарши бўлиб ўтадиган ўйиндан олдинги фикрлари билан ўртоқлашди.
"Биз инглизлардан нимани кутиш кераклигини биламиз. Биз нафақат Харри Кейнни, балки бутун жамоасини тўхтатишимиз керак. Биз улар қанчалик хавфли эканлигини биламиз, лекин биз бу турнирда ҳимояда яхши ўйнаймиз, жамоа бўлиб ҳимояланамиз. Шундай экан, худди шу руҳда давом этамиз деган умиддамиз.
Мен Англия терма жамоасини камситмаган бўлардим. Улар сўнгги ўйинларда қанчалик яхши ўйнаганимизни кўришди ва бунга тайёр туришади. Мен олти йилдан бери Англияда яшайман ва англиялик футболчилар учрашишни интиқлик билан кутаман. Улар қандай ўйнашмасин, барибир чорак финалга йўл олишди. Уларда жуда кўп сифатли футболчилар бор ва улар доим сизга зарар етказиши мумкин", - деди Шер УЕФА матбуот хизматига.
Жамоалар ўртасидаги ўйин бугун Дюссельдорфда бўлиб ўтади ва Тошкент вақти билан соат 21:00да бошланади.
