"Lill" himoyachi Leni Yoro transferi uchun 60 million yevro olish umididan voz kechdi. Erkin agent sifatida bir yil ichida yosh futbolchini yo‘qotish ehtimoli Liga 1 klubini murosaga kelishga majbur qilmoqda.

Football Espana nashrining xabar berishicha, "Lill" taslim bo‘lgan va endi Yoroni 50 million yevroga sotishga tayyor. 18 yoshli futbolchi ketmoqchi bo‘lgan "Real Madrid" 40 million to‘lashga tayyor.

10 million yevrolik farq qo‘shimcha to‘lovlar orqali qoplanishi mumkin. Aytish joizki, "Real" Nacho jamoani tark etganidan so‘ng himoya markaziga yangi futbolchi qo‘shib olmoqchi.