Niderlandiya terma jamoasi bosh murabbiyi Ronald Kuman Yevropa chempionati finalidagi ehtimoliy raqib haqidagi savolga javob berdi. 10 iyul kuni "apelsinlar" yarim finalda Angliyaga qarshi bahs olib boradi. Bir kun avval birinchi finalchi aniqlanadi.

"Bunday savol berishga hali erta, avvalo yarim final o‘yiniga yaxshi tayyorgarlik ko‘rishimiz kerak. Biz ikkita ajoyib jamoaning uchrashuvini kutmoqdamiz. Ammo tanlashga to‘g‘ri kelsa, finalda Ispaniya bilan uchrashishni istardim, chunki guruh bosqichida Fransiyaga qarshi o‘ynagan edik", dedi Kuman matbuot anjumanida.

Eslatib o‘tamiz, guruh o‘yinida Niderlandiya Fransiya bilan golsiz durang o‘ynadi.