Нидерландия терма жамоаси бош мураббийи Рональд Куман Европа чемпионати финалидаги эҳтимолий рақиб ҳақидаги саволга жавоб берди. 10 июль куни "апельсинлар" ярим финалда Англияга қарши баҳс олиб боради. Бир кун аввал биринчи финалчи аниқланади.

"Бундай савол беришга ҳали эрта, аввало ярим финал ўйинига яхши тайёргарлик кўришимиз керак. Биз иккита ажойиб жамоанинг учрашувини кутмоқдамиз. Аммо танлашга тўғри келса, финалда Испания билан учрашишни истардим, чунки гуруҳ босқичида Францияга қарши ўйнаган эдик", деди Куман матбуот анжуманида.

Эслатиб ўтамиз, гуруҳ ўйинида Нидерландия Франция билан голсиз дуранг ўйнади.