Londonning “Chelsi” klubi hujumchi Nikolas Jeksonning transferi borasida bir qarorga keldi.
23 yoshli futbolchi Angliyada debyut mavsumini uncha yaxshi o‘tkazmadi va "ko‘klar" bo‘lajak mavsumda boshqa hujumchiga ishonishga tayyor ekanliklari haqida mish-mishlar tarqaldi. Insayder Fabrisio Romano o‘zining podkastida xabar berishicha, "Chelsi" hozirda Jeksonni "daxlsiz" deb hisoblaydi - futbolchi joriy transfer oynasida qo‘yib yuborilmaydi. Shu bilan birga, londonliklar hamon markaziy hujumchi pozisiyasini mustahkamlash niyatida.
Nikolas Jekson “Chelsi” safida 44 ta o‘yinda maydonga tushib, 17 ta gol va 6 ta golli uzatmaga mualliflik qilgan. Senegallik futbolchining shartnomasi 2031 yilgacha mo‘ljallangan.
