Лондоннинг “Челси” клуби ҳужумчи Николас Жексоннинг трансфери борасида бир қарорга келди.

23 ёшли футболчи Англияда дебют мавсумини унча яхши ўтказмади ва "кўклар" бўлажак мавсумда бошқа ҳужумчига ишонишга тайёр эканликлари ҳақида миш-мишлар тарқалди. Инсайдер Фабрицио Романо ўзининг подкастида хабар беришича, "Челси" ҳозирда Жексонни "дахлсиз" деб ҳисоблайди - футболчи жорий трансфер ойнасида қўйиб юборилмайди. Шу билан бирга, лондонликлар ҳамон марказий ҳужумчи позициясини мустаҳкамлаш ниятида.

Николас Жексон “Челси” сафида 44 та ўйинда майдонга тушиб, 17 та гол ва 6 та голли узатмага муаллифлик қилган. Сенегаллик футболчининг шартномаси 2031 йилгача мўлжалланган.