Alvaro Morataning rafiqasi matbuotda eriga qaratilgan tanqidlarga javob qaytardi.
Yevro-2024 doirasidagi 5ta o‘yinda Ispaniya terma jamoasi hujumchisi bitta gol urdi.
Bir kun avval El Confidencial nashri “Morata – Ispaniyani sharmanda qiladigan sardor, Yevrodagi yomon o‘yini bilan” sarlavhali maqola e’lon qildi.
Maqola Alvaroning intervyusidan keyin chiqdi. Unda forvard Yevro-2024 terma jamoadagi so‘nggi turniri bo‘lishini tan oldi, shuningdek, Ispaniyadan tashqarida ham o‘zini baxtliroq his qilishini qayd etdi.
"Har kim o‘z fikrini yozishi mumkin va har kim o‘z fikrini bildirishga haqli, hech kim hech kimni xursand qilishga majbur emas, lekin gapirishning boshqa ko‘plab usullari mavjud. Ayniqsa, siz jurnalist bo‘lsangiz va yoshlarga ta’sir o‘tkazish uchun juda ko‘p kuchga ega bo‘lsangiz. Bu tanqidlar bizga haqiqatan ham kerakmi?" – deb yozdi Elis Kampello ijtimoiy tarmoqlarda.
Bugun Ispaniya terma jamoasi Yevro-2024 1/2 finalida Fransiyaga qarshi maydonga tushadi.
