Альваро Моратанинг рафиқаси матбуотда эрига қаратилган танқидларга жавоб қайтарди.
Евро-2024 доирасидаги 5та ўйинда Испания терма жамоаси ҳужумчиси битта гол урди.
Бир кун аввал El Confidencial нашри “Мората – Испанияни шарманда қиладиган сардор, Евродаги ёмон ўйини билан” сарлавҳали мақола эълон қилди.
Мақола Альваронинг интервьюсидан кейин чиқди. Унда форвард Евро-2024 терма жамоадаги сўнгги турнири бўлишини тан олди, шунингдек, Испаниядан ташқарида ҳам ўзини бахтлироқ ҳис қилишини қайд этди.
"Ҳар ким ўз фикрини ёзиши мумкин ва ҳар ким ўз фикрини билдиришга ҳақли, ҳеч ким ҳеч кимни хурсанд қилишга мажбур эмас, лекин гапиришнинг бошқа кўплаб усуллари мавжуд. Айниқса, сиз журналист бўлсангиз ва ёшларга таъсир ўтказиш учун жуда кўп кучга эга бўлсангиз. Бу танқидлар бизга ҳақиқатан ҳам керакми?" – деб ёзди Элис Кампелло ижтимоий тармоқларда.
Бугун Испания терма жамоаси Евро-2024 1/2 финалида Францияга қарши майдонга тушади.
