Lamin Yamal Ispaniya terma jamoasiga Fransiyani mag‘lub etib, Yevropa chempionati finaliga chiqishga yordam berdi.
Bugunga qadar 16 yoshli yulduz faqat golli uzatmani amalga oshirgan bo‘lsa, endi uning hisobida gol ham bor - u 21-daqiqada gol urib, Yevro tarixidagi eng yosh to‘purarga aylandi. Bundan tashqari, Squawka ma’lumotlariga ko‘ra, Yamal bitta Yevropa chempionatida jamoadoshlari uchun 15 yoki undan ko‘p imkoniyat yaratgan uchinchi ispaniyalik bo‘ldi. Bungacha faqat mashhur sobiq yarim himoyachilar Xavi Ernandes va Sesk Fabregas shunday muvaffaqiyatga erishgan.
Lamin shuningdek, 19 yoshgacha bunday natijaga erishgan birinchi o‘yinchi bo‘ldi.
