Ламин Ямал Испания терма жамоасига Францияни мағлуб этиб, Европа чемпионати финалига чиқишга ёрдам берди.
Бугунга қадар 16 ёшли юлдуз фақат голли узатмани амалга оширган бўлса, энди унинг ҳисобида гол ҳам бор - у 21-дақиқада гол уриб, Евро тарихидаги энг ёш тўпурарга айланди. Бундан ташқари, Squawka маълумотларига кўра, Ямал битта Европа чемпионатида жамоадошлари учун 15 ёки ундан кўп имконият яратган учинчи испаниялик бўлди. Бунгача фақат машҳур собиқ ярим ҳимоячилар Хави Эрнандес ва Сеск Фабрегас шундай муваффақиятга эришган.
Ламин шунингдек, 19 ёшгача бундай натижага эришган биринчи ўйинчи бўлди.
