"Milan"ning yangi bosh murabbiyi Paulo Fonseka kelasi mavsumdagi rejalari haqida gapirdi.
Portugaliyalik mutaxassis “rossonerilar”ning dadil harakat qilishini aniq aytdi.
“Menimcha, hayotda tavakkal qilish kerak. Siz jasur bo‘lishingiz va boshqalardan ajralib turishingiz kerak.
Biz murabbiylarning futbolni sevuvchilar oldida majburiyatimiz bor. Bu nafaqat g‘alaba qozonish, balki ishtiyoq bilan o‘ynashni ham o‘z ichiga oladi.
Biz tomosha yaratishimiz kerak va buning uchun bizga jasorat kerak. Biz futbolimizdan zavq olishimiz kerak. Bu mening fikrlash tarzim”, dedi Fonseka jurnalistlarga.
