"Милан"нинг янги бош мураббийи Пауло Фонсека келаси мавсумдаги режалари ҳақида гапирди.
Португалиялик мутахассис “россонерилар”нинг дадил ҳаракат қилишини аниқ айтди.
“Менимча, ҳаётда таваккал қилиш керак. Сиз жасур бўлишингиз ва бошқалардан ажралиб туришингиз керак.
Биз мураббийларнинг футболни севувчилар олдида мажбуриятимиз бор. Бу нафақат ғалаба қозониш, балки иштиёқ билан ўйнашни ҳам ўз ичига олади.
Биз томоша яратишимиз керак ва бунинг учун бизга жасорат керак. Биз футболимиздан завқ олишимиз керак. Бу менинг фикрлаш тарзим”, деди Фонсека журналистларга.
