"Napoli"ning o‘ng qanot himoyachisi Jovanni di Lorenso o‘zining ketishi mumkinligi haqida mish-mishlarni to‘xtatmoqchi. O‘tgan oy 30 yoshli futbolchining agenti mijozining neapolliklar safini tark etish niyati borligini ochiqchasiga ma’lum qilgandi.

"Yuventus" Italiya terma jamoasining himoyachisi uchun asosiy da’vogar deb topildi. Biroq, Sportitalia nashri xabariga ko‘ra, Di Lorenso "Napoli"da qolishga qaror qilgan, bu haqda u payshanba kuni ommaga e’lon qiladi.

Jovanni di Lorensoning "Napoli" bilan shartnomasi 2028 yilning o‘rtalariga qadar amal qiladi. Futbolchi 2019 yilning yozida "Empoli"dan ko‘chib o‘tganidan beri neapolliklar safida barcha musobaqalarda 231 ta o‘yin o‘tkazdi.