"Наполи"нинг ўнг қанот ҳимоячиси Жованни ди Лоренцо ўзининг кетиши мумкинлиги ҳақида миш-мишларни тўхтатмоқчи. Ўтган ой 30 ёшли футболчининг агенти мижозининг неаполликлар сафини тарк этиш нияти борлигини очиқчасига маълум қилганди.
"Ювентус" Италия терма жамоасининг ҳимоячиси учун асосий даъвогар деб топилди. Бироқ, Sportitalia нашри хабарига кўра, Ди Лоренцо "Наполи"да қолишга қарор қилган, бу ҳақда у пайшанба куни оммага эълон қилади.
Жованни ди Лоренцонинг "Наполи" билан шартномаси 2028 йилнинг ўрталарига қадар амал қилади. Футболчи 2019 йилнинг ёзида "Эмполи"дан кўчиб ўтганидан бери неаполликлар сафида барча мусобақаларда 231 та ўйин ўтказди.
