Darvozabon David de Xea bir necha yil oldin o‘z pozisiyasida dunyoning eng yaxshi futbolchilaridan biri sanalardi.
Biroq ispaniyalik futbolchi bir yildan ko‘proq vaqt davomida klubsiz yuribdi.
Albatta, bu yozda 33 yoshli darvozabon ish topmoqchi. TodoFichajes xabariga ko‘ra, David de Xea "Manchester Siti"da Edersonning o‘rnini bosa oladigan darvozabonlar qatoriga kiradi.
De Xeaning "shaharliklar" lageriga o‘tishi ba’zilarni hayratda qoldirishi mumkin, chunki ispaniyalik avvalroq "Manchester Yunayted"da o‘n ikki mavsumni o‘tkazgan.
