Myunxenning "Bavariya" klubi yarim himoyachi Joau Palinyaning transferini e’lon qildi. Bungacha portugaliyalik futbolchi Londonning "Fulxem" jamoasida o‘ynagan.

Eslatib o‘tamiz, avvalroq myunxenliklar Palinya uchun 46 million yevro va bonuslar to‘lashi haqida xabar berilgandi. O‘tgan mavsumda 28 yoshli Joao "Fulxem"ning barcha turnirlar doirasidagi 39 ta uchrashuvida qatnashib, 4 ta gol va bitta golli uzatmani amalga oshirgan. Transfermarkt portalida berilgan ma’lumotlarga ko‘ra, futbolchining bozor qiymati 55 million yevroni tashkil qiladi.

Eslatib o‘tamiz, o‘tgan mavsum yakunida "Bavariya" bitta ham sovrin yuta olmadi. "Bayer" 90 ochko bilan Germaniya chempioniga aylandi. Myunxenliklar faqatgina uchinchi o‘rinda. "Shtutgart" esa ikkinchi bo‘ldi.