Мюнхеннинг "Бавария" клуби ярим ҳимоячи Жоау Палиньянинг трансферини эълон қилди. Бунгача португалиялик футболчи Лондоннинг "Фулхэм" жамоасида ўйнаган.
Эслатиб ўтамиз, аввалроқ мюнхенликлар Палинья учун 46 миллион евро ва бонуслар тўлаши ҳақида хабар берилганди. Ўтган мавсумда 28 ёшли Жоао "Фулхэм"нинг барча турнирлар доирасидаги 39 та учрашувида қатнашиб, 4 та гол ва битта голли узатмани амалга оширган. Transfermarkt порталида берилган маълумотларга кўра, футболчининг бозор қиймати 55 миллион еврони ташкил қилади.
Эслатиб ўтамиз, ўтган мавсум якунида "Бавария" битта ҳам соврин юта олмади. "Байер" 90 очко билан Германия чемпионига айланди. Мюнхенликлар фақатгина учинчи ўринда. "Штутгарт" эса иккинчи бўлди.
