"Liverpul" va "Chelsi"ning sobiq himoyachisi Glen Jonson yarim himoyachi Donni Van De Bekni "Manchester Yunayted" tarixidagi eng omadsiz transferlardan biri deb atadi.
2020 yilning yozida Van de Bek “Oltin to‘p”ga da’vogar sifatida “Manchester Yunayted”ga 40 million funt sterlingga kelgandi. Hozir Donni "qizil iblislar"ning chuqur zaxirasi bo‘lib, "Jirona"ga 80 baravar kamroqqa yo‘l oladi.
Jonsonning so‘zlariga ko‘ra, 27 yoshli niderlandiyalik futbolchi "Manchester Yunayted"ning transfer bozoridagi yomon o‘yinini ko‘rsatayotgan ko‘plab misollardan biri xolos.
"Donni Van de Bek "Manchester Yunayted"ning eng yomon transferlari ro‘yxatiga tushishi kerak. U bilan shartnoma imzolanganida u katta obro‘ga ega edi, ammo bu amalga oshmadi.
Bu tez-tez sodir bo‘ladiganga o‘xshaydi, ayniqsa "Manchester Yunayted"da.
O‘yinchilarning o‘z hayoti bor va ular ko‘chib o‘tishni yaxshi o‘tkazmagan oilalari bilan kelishadi. Ko‘p omillar bor va siz bir kechada yomon futbolchiga aylanmaysiz" - dedi Jonson Paddy Power bilan suhbatda.
