Niderlandiya terma jamoasi va "Bolonya" hujumchisi Joshua Zirkzee "Manchester Yunayted"ga o‘tishga yaqin turibdi. Bu haqda insayder Florian Plettenberg ijtimoiy tarmoqlar orqali xabar bermoqda.

Manbaga ko‘ra, 23 yoshli niderlandiyalik shartnomani yakunlashdan oldin tibbiy ko‘rikdan o‘tmoqda. Agar hammasi yaxshi bo‘lsa, Zirkzee "qizil iblislar" bilan 5 yilga uzoq muddatli mehnat shartnomasi tuzadi.

Joshua 2022 yildan beri "Bolonya"da o‘ynab kelmoqda. O‘tgan mavsumda 23 yoshli futbolchi 37 ta o‘yinda maydonga tushib, 12 ta gol va 7 ta golli uzatmaga mualliflik qilgan.