Нидерландия терма жамоаси ва "Болонья" ҳужумчиси Жошуа Зиркзее "Манчестер Юнайтед"га ўтишга яқин турибди. Бу ҳақда инсайдер Флориан Плеттенберг ижтимоий тармоқлар орқали хабар бермоқда.
Манбага кўра, 23 ёшли нидерландиялик шартномани якунлашдан олдин тиббий кўрикдан ўтмоқда. Агар ҳаммаси яхши бўлса, Зиркзее "қизил иблислар" билан 5 йилга узоқ муддатли меҳнат шартномаси тузади.
Жошуа 2022 йилдан бери "Болонья"да ўйнаб келмоқда. Ўтган мавсумда 23 ёшли футболчи 37 та ўйинда майдонга тушиб, 12 та гол ва 7 та голли узатмага муаллифлик қилган.
