Ikki haftadan so‘ng Fransiya poytaxti Parij shahrida XXXIII yozgi Olimpiya o‘yinlari start oladi.
Hozirga qadar O‘zbekiston delegasiyasi to‘rt yillikning eng muhim kompleks musobaqasi uchun 19 ta sport turi doirasida 73 ta dasturda ishtirok etish huquqini qo‘lga kiritdi. Bu dasturlarda O‘zbekiston sharafini 86 nafar sportchi himoya qiladi.
Bu mamlakatimizning mustaqil bo‘lganidan buyon erishgan eng yaxshi natijasi ekanini ta’kidlash lozim. Bungacha O‘zbekiston 1996 yilda Atlanta Olimpiadasida eng ko‘p sportchi bilan qatnashgan edi. AQSHdagi o‘yinlarda 71 nafar sportchimiz yurtimiz sharafini himoya qilgandi.
