Икки ҳафтадан сўнг Франция пойтахти Париж шаҳрида XXXIII ёзги Олимпия ўйинлари старт олади.
Ҳозирга қадар Ўзбекистон делегацияси тўрт йилликнинг энг муҳим комплекс мусобақаси учун 19 та спорт тури доирасида 73 та дастурда иштирок этиш ҳуқуқини қўлга киритди. Бу дастурларда Ўзбекистон шарафини 86 нафар спортчи ҳимоя қилади.
Бу мамлакатимизнинг мустақил бўлганидан буён эришган энг яхши натижаси эканини таъкидлаш лозим. Бунгача Ўзбекистон 1996 йилда Атланта Олимпиадасида энг кўп спортчи билан қатнашган эди. АҚШдаги ўйинларда 71 нафар спортчимиз юртимиз шарафини ҳимоя қилганди.
