«Inter» himoyachisi Benjamen Pavar Fransiya terma jamoasini tark etish haqida o‘ylamoqda.
28 yoshli futbolchi Yevro-2024da birorta ham o‘yin o‘tkazmadi, fransuzlar turnirda yarim final bosqichida Ispaniyaga mag‘lub bo‘ldi (1:2). "L'Equipe" nashri xabariga ko‘ra, Pavar endi terma jamoadagi faoliyatini yakunlash imkoniyatini jiddiy o‘ylamoqda. Shu tariqa, iyun oyi boshida bo‘lib o‘tgan Lyuksemburgga qarshi o‘rtoqlik uchrashuvi (3:0) markaziy himoyachining «uch ranglilar» uchun oxirgisi bo‘lishi mumkin.
Benjamen Pavar Fransiya terma jamoasi safida jami 54 o‘yin o‘tkazgan. Futbolchining debyuti 2017 yilning noyabrida bo‘lib o‘tgan.
