«Интер» ҳимоячиси Бенжамен Павар Франция терма жамоасини тарк этиш ҳақида ўйламоқда.
28 ёшли футболчи Евро-2024да бирорта ҳам ўйин ўтказмади, французлар турнирда ярим финал босқичида Испанияга мағлуб бўлди (1:2). "L'Equipe" нашри хабарига кўра, Павар энди терма жамоадаги фаолиятини якунлаш имкониятини жиддий ўйламоқда. Шу тариқа, июнь ойи бошида бўлиб ўтган Люксембургга қарши ўртоқлик учрашуви (3:0) марказий ҳимоячининг «уч ранглилар» учун охиргиси бўлиши мумкин.
Бенжамен Павар Франция терма жамоаси сафида жами 54 ўйин ўтказган. Футболчининг дебюти 2017 йилнинг ноябрида бўлиб ўтган.
