"Barselona" "Atletiko" hujumchisi Joau Feliksni sotib olish g‘oyasidan voz kechmadi. Portugaliyalik futbolchi o‘tgan mavsumni Kataloniya klubida ijara asosida o‘tkazdi.
Ma’lum bo‘lishicha, 24 yoshli futbolchi doimiy ravishda "Barselona"ga o‘tishni xohlaydi, ammo kelishuvga erishish oson bo‘lmaydi. Jurnalist Matteo Morettoning so‘zlariga ko‘ra, “ko‘k-anorranglilar” Feliksga uni qaytarish uchun qo‘lidan kelgan barcha ishni qilishlarini aytgan, ammo undan sabrli bo‘lishini so‘ragan.
Joau Feliksning transferi taqdiri, shuningdek, "Barselona"ning ustuvor maqsadi bo‘lgan "Atletik"dan Niko Uilyamsning ehtimoliy transferiga bog‘liq.
