Kelgusi mavsumdan boshlab Yevropa kuboklari turnirlarida, shuningdek, Germaniyada faqat jamoa sardorlari o‘yin hakamlari bilan muloqot qilishlari mumkin bo‘ladi. Bu haqda Bild xabar bermoqda.
Manbaga ko‘ra, bu yangilik Germaniya futbol assosiasiyasining so‘nggi yig‘ilishidan so‘ng ma’lum bo‘lgan.
Yevrokuboklar va Germaniya chempionatidan tashqari, hakamlar bilan muloqot qilishning yangi qoidasi Germaniyaning ikkinchi, uchinchi va to‘rtinchi divizionlariga ham tegishli bo‘ladi. Ta’kidlanishicha, futbolchilar va hakam o‘rtasidagi muloqotning bunday formati 2024 yilgi Yevropa chempionatida ham o‘zini muvaffaqiyatli ko‘rsatdi.
