Келгуси мавсумдан бошлаб Европа кубоклари турнирларида, шунингдек, Германияда фақат жамоа сардорлари ўйин ҳакамлари билан мулоқот қилишлари мумкин бўлади. Бу ҳақда Bild хабар бермоқда.

Манбага кўра, бу янгилик Германия футбол ассоциациясининг сўнгги йиғилишидан сўнг маълум бўлган.

Еврокубоклар ва Германия чемпионатидан ташқари, ҳакамлар билан мулоқот қилишнинг янги қоидаси Германиянинг иккинчи, учинчи ва тўртинчи дивизионларига ҳам тегишли бўлади. Таъкидланишича, футболчилар ва ҳакам ўртасидаги мулоқотнинг бундай формати 2024 йилги Европа чемпионатида ҳам ўзини муваффақиятли кўрсатди.