O‘rta vazn toifasi IBF va WBO yo‘nalishlarida jahon chempioni, qozog‘istonlik professional bokschi Janibek Alimxanulining himoya jangi bekor bo‘ldi.

U 14 iyul, ya’ni ertaga tongda Yangi Zelandiya sharafini himoya qilayotgan, asli rossiyalik 26 yoshli bokschi Andrey Mixaylovichga qarshi ringga ko‘tarilishi kerak edi. Lekin jang bekor qilindi. Bunga Janibekning vazn o‘lchash marosimi paytida sog‘lig‘i yomonlashgani va oqibatda shifoxonaga yotqizilgani sabab bo‘lgan.

Ma’lum bo‘lishicha, Janibek kuchli suvsizlanish tufayli kasalxonaga olib ketilgan.