Kanada terma jamoasi bosh murabbiyi Jessi Marsh AQSH terma jamoasini boshqarishdan manfaatdor emasligini aytdi.
Qo‘shma Shtatlar Gregg Berxalter iste’foga chiqarilganidan so‘ng yangi murabbiy qidirmoqda - uning qo‘l ostidagi jamoa turnir mezboni bo‘lgan bo‘lsa-da, Amerika kubogining guruh bosqichidan o‘ta olmadi.
"Men bu ishni tark etmayman va AQSH jamoasida ishlashga qiziqmayman. To‘g‘risini aytsam, agar u yerda katta o‘zgarishlar bo‘lmasa, kelajakda bu ishga hech qachon qiziqmayman, deb o‘ylayman.
Men Kanada jamoasida juda baxtiyorman, bu rahbariyat va jamoa bilan ishlash menga juda yoqadi", - dedi Marsh.
AQSHda bo‘lib o‘tayotgan Amerika kubogida Kanada terma jamoasi yarim finalga qadar yetib borgan va u yerda Argentinaga imkoniyatni boy bergan (0:2) va endi 3-o‘rin uchun o‘yinda Urugvay bilan o‘ynaydi.
