Italiya futbolining eng yuqori jamiyatiga ko‘tarilgan "Komo" yangiliklar yaratishda davom etmoqda - kecha yangi homiylik shartnomasi e’lon qilindi.
Endi jamoa futbolchilarining futbolkalarida taniqli transport xizmatlari provayderi Uber homiylik logotipi aks etadi. Uber birinchi marta Italiya chempionatidagi jamoaga homiylik qiladi. Yaqin kunlarda jamoaning yangi liboslari ham taqdim etiladi.
Eslatib o‘tamiz, Italiya A Seriyasi chempionati o‘n sakkizinchi avgust kuni start oladi, "Komo" Turinda mahalliy "Yuventus" bilan o‘ynaydi.
