"Manchester Siti" hujumchisi Xulian Alvares hali ham "PSJ"ga o‘tishi mumkin.
Mish-mishlarga ko‘ra, argentinalik joriy transfer oynasida "shaharliklar" safini tark etishga qaror qilgan. 24 yoshli futbolchiga asosiy da’vogarlardan biri hisoblangan "PSJ" hamon vaziyatni kuzatib bormoqda, deya xabar beradi insayder Fabrisio Romano. "Manchester Siti" hujumchini qolishga ko‘ndira olmasa, parijliklar muzokaralarni boshlashi mumkin. Yaqin orada ingliz grandi vakillari futbolchining atrofidagilar bilan uchrashib, vaziyatni muhokama qilishlari kutilmoqda.
Transfermarkt portali ma’lumotlariga ko‘ra, Xulian Alvaresning narxi 90 million yevroni tashkil qiladi. Amaldagi jahon chempionining shartnomasi 2028 yilgacha mo‘ljallangan.
