Myunxenning "Bavariya" muxlislari niderlandiyalik himoyachi Matteys de Ligtning jamoadan ketishiga qarshi. Ular klub rahbariyatidan futbolchini saqlab qolishni talab qilib petisiya yaratishdi - va u allaqachon 70 ming imzoni olgan. Murojaatnomada muxlislar futbolchini juda iliq fikrlar bilan ta’riflashdi.
"Bu jahon darajasidagi o‘yinchi, balki jamoaning eng yaxshi futbolchisi, uning kelajagi ajoyib, u o‘zining xarakterini, qattiqqo‘lligini va mentalitetini ko‘rsatmoqda", - deyiladi petisiyada.
Eslatib o‘tamiz, de Ligt Angliyaning "Manchester Yunayted"iga o‘tishni istamoqda va u yerda "Ayaks"dagi sobiq ustozi Erik ten Xag bilan qaytadan uchrashmoqchi.
