"Manchester Yunayted" jamoasi yarim himoyasini Ukraina terma jamoasi va Ispaniyaning "Jirona" klubi yarim himoyachisi Viktor Sigankov bilan kuchaytirishi mumkin. Bu haqda AS xabar bermoqda.
"Qizil iblislar" vakillari ukrainalik futbolchining agentlari bilan potensial transfer borasida bog‘lanishdi. 26 yoshli futbolchini o‘z safiga qo‘shib olishni mankunianliklar ustozi Erik ten Xag shaxsan istamoqda. Eslatib o‘tamiz, Viktorning mehnat shartnomasida 30 million yevro miqdoridagi band bor.
O‘tgan mavsumda Sigankov "Jirona" safida 34 ta o‘yinda ishtirok etgan. Yarim himoyachi sakkizta gol urdi va yettita golli uzatmani amalga oshirdi.
