"Манчестер Юнайтед" жамоаси ярим ҳимоясини Украина терма жамоаси ва Испаниянинг "Жирона" клуби ярим ҳимоячиси Виктор Циганков билан кучайтириши мумкин. Бу ҳақда AS хабар бермоқда.
"Қизил иблислар" вакиллари украиналик футболчининг агентлари билан потенциал трансфер борасида боғланишди. 26 ёшли футболчини ўз сафига қўшиб олишни манкунианликлар устози Эрик тен Хаг шахсан истамоқда. Эслатиб ўтамиз, Викторнинг меҳнат шартномасида 30 миллион евро миқдоридаги банд бор.
Ўтган мавсумда Циганков "Жирона" сафида 34 та ўйинда иштирок этган. Ярим ҳимоячи саккизта гол урди ва еттита голли узатмани амалга оширди.
